Testo Bilin - Gary Granada
Testo della canzone Bilin (Gary Granada), tratta dall'album Legends Series: Gary Granada
Kung iyong mamarapatin
Dinggin ang tanging pamana
Mga mumunting habilin
Ng isang kaibigan at ama
Habang maaga'y matutunan
Ang mamuhay nang payak
Habang marami kang kailangan
Ang bagaheng bumibigat
Ang nag-iisang dila
Dapat ay may isang salita
Totoo ang pagpapala
Galing sa totoong gawa
Kung tutuusin ay kay dalas na banggitin
Lumang mga salawikain
Kung tutuusin ay kay daling intindihin
Bakit parang kay hirap gawin?
Marami ang nahihirapan
Kakaunti ang marangya
Kaya huwag kang magpakayaman
Huwag ding magpakadukha
At mag-ingat kang parati
Sa mga taong marahas
Maging sing-amo ng kalapati
Ngunit sing-ilap ng ahas
Laging marunong umunawa
Lahat ay nagkakamali
Patawarin ang iyong kapwa
Pati na ang sarili
Kung tutuusin ay di sa akin nanggaling
Ang mga kasabihang ito
Kung tutuusin ito ay para sa akin din
Galing sa tatay ng tatay mo
Gaya rin ng panaginip
Pag-ibig ay nabibigo
Damahin mo sa iyong isip
At pag-isipan sa puso
Huwag mong masyadong seryosohin
At sisikip lang ang dibdib
'Di bawal ang masayahin
Dito sa ibabaw ng daigdig
Kung susukatin mo ang buhay
Wala sa haba o ikli
Basta't sikapin mong mabuhay
Sa lahat ng sandali
Credits
Writer(s):
Lyrics powered by www.musixmatch.com
Link
Disclaimer:
i testi sono forniti da Musixmatch.
Per richieste di variazioni o rimozioni è possibile contattare
direttamente Musixmatch nel caso tu sia
un artista o
un publisher.