Testo Trizza d'amuri - Pino Lentini
Testo della canzone Trizza d'amuri (Pino Lentini), tratta dall'album Bajasca
Oh rundineja chi lu mundu giri
Chi voli supra e' munti e supra o mari
Portinci a la me' bella i me' suspiri
E danci li to' ali mu po' volari
Vola giojuzza mia 'nda li me' vrazza
Ca' lu me' cori o' toi voli u si 'ntrizza
Dimmillu ca' pe' mia tu nesci pazza
Ca' vogghjiu u moru di la cuntentizza
E mi dasti lu suli e la luna e amuri ch'è 'na furtuna
Jeu ti dugnu la vita e lu cori chi si 'ntrizzanu d'amuri
Tu mi dasti lu suli e la luna e amuri ch'è 'na furtuna
Jeu ti dugnu la vita e lu cori chi ti curmunu d'amuri
Stija lucenti chi brilli p'amuri
Fa' lustru a lu me' cori tutti li siri
Dammi coraggiu 'nda li notti scuri
Ca' a luntananza mi faci patiri
Tanti ti dinnu ca' no' sai cu' sugnu
Ca' li promessi poi non li mantegnu
Ma comu è veru ca' lu mundu è tundu
Prestu si' la regina du' me' regnu
E mi dasti lu suli e la luna e amuri ch'è 'na furtuna
Jeu ti dugnu la vita e lu cori chi si 'ntrizzanu d'amuri
Tu mi dasti lu suli e la luna e amuri che 'na furtuna
Jeu ti dugnu la vita e lu cori chi si curmunu d'amuri
Bella giojuzza mia no' 'nci penzari
Pe' cu' no' voli nommu u t'adduluri
Ca' menti lingua sulu e pe' tagghjari
E mancu sapi chi vor' diri amuri
L'amuri è comu n'arbiru chi hjiuri
Se voi 'mu si manteni l'ha' 'mbivirari
Ca' se non 'nciuni acqua e lu trascuri
Si 'ssicca tuttu e nenti 'nci poi fari
E mi dasti lu suli e la luna e amuri ch'è 'na furtuna
Jeu ti dugnu la vita e lu cori chi si 'ntrizzanu d'amuri
Tu mi dasti lu suli e la luna e amuri che 'na furtuna
Jeu ti dugnu la vita e lu cori, chi si curmunu d'amuri
Credits
Writer(s): Giuseppe Lentini, Francesco Scarfo', Carmelo Scarfo'
Lyrics powered by www.musixmatch.com
Link
Disclaimer:
i testi sono forniti da Musixmatch.
Per richieste di variazioni o rimozioni è possibile contattare
direttamente Musixmatch nel caso tu sia
un artista o
un publisher.