Testo Ti vogghiu beni - Pippo Pollina & Etta Scollo
Testo della canzone Ti vogghiu beni (Pippo Pollina & Etta Scollo), tratta dall'album L'appartenenza
Ti vogghiu beni comu un ciuri u so jardinu
Che quannu chiovi l'aria è tisa e frisca di ventu nn'arricria
Ti vogghiu beni e lu cantu da sira o matinu
Ca ti viju e mi chianci u cori amuri granni armuzza mia
Ti vogghiu beni puru ca nun ti nn'adduni
Troppi i figghi i nutricari u tempu nun t'abbasta mai
U sacciu ca lu ciumi è siccu no vadduni
Tarda l'autunnu tarda l'invernu vacanti a spiga dintra i granai
Ti ricordi di quann'era picciriddu
E a nisciuta di la scola u ventu forti nn' inncuntrava
E comu n'aceddu nni vulava lu cappeddu
E nuatri appressu chi risati e lu pitittu nni manciava
Ti vogghiu beni comu a musica u spartitu
Comu un quatru u so pitturi u tempu la fotografia
Chi lu imprigiona comu u sbirru lu banditu
E come era nn'arricorda nu surrisu na malinconia
Ti vogghiu beni puru ca semu luntani
Puru ca nun ti ricordi li me occhi lu me nnomi
Ti vogghiu beni comu un mutu li so mani
Comu a terra la so zappa comu un ciecu lu so bastuni
E ora chi ogni tantu vegnu d'ammucciuni
Ti taliu e supra na petra iu m'assettu
La to peddi un ciavuru di mandarini
Chi ssi bedda tu lu sai ca mi strinci tuttu u pettu
E ora chi ogni tantu vegnu d'ammucciuni
Chi lu mari chiama e ragiuni nun senti
Ti pirdunu terra mia nun t'abbandunu
Ca lu coru t'apparteni ora e sempri
Credits
Writer(s): Guiseppe Pippo Pollina
Lyrics powered by www.musixmatch.com
Link
Disclaimer:
i testi sono forniti da Musixmatch.
Per richieste di variazioni o rimozioni è possibile contattare
direttamente Musixmatch nel caso tu sia
un artista o
un publisher.