Testo Roots - Bintu Pabra
Testo della canzone Roots (Bintu Pabra), tratta dall'album Roots
Bamboo Beat
(कोई बात कहाँ से)
गाभरू जवान शौंकी खाण और पीण के
बुग्गियाँ पै लादै, रै, भरोटे बरसीण के
मंद-मंद चालै घी-सा घालदा बळध
अरै, न्यारे सैं नजारे life गामाँ आळी जीण के
देख लिए जन्नत का touch feel होवै
अरै, झूठ कौनी बोलूँ, जमा सच feel होवै
खेताँ आळी नाळियाँ मैं पैर तू डुबोकै
अरै, चूसिए, रै, गंडे, कती गच्च feel होवै
पर नाक ना चढाइए कदे भी
देसियाँ मैं कमी देख कै
तेरे शहर की सड़क भूल ज्या
गामाँ आळी गमी देख कै
भूत PUBG का उतरै तेरा
बैठक मैं Rummy देख कै
तेरा शहरी hip-hop भूल ज्या
महफ़िल या जमी देख कै-ऐ (ऐ-ऐ, ऐ-ऐ)
घर मैं भी बात चालै खेत और क्यार की
सब तै अलग, सुण, hobby तेरे यार की
एक बार गामाँ मैं जे मार जाएगी गेड़ा
अरै, रास कौनी आवेगी या हवा तन्ने बाहर की
दिल देखे जाँदै कौनी भूरे चाम पै
आड़े बाळकाँ नै जाणै सैं बापू कै नाम पै
ओह, बुढ्याँ की भी इज्जत ये दिल तै करैं
बड्डे राजी होकै जावैं दादी गौरी धाम पै
ऊँठ कै सबेरै माहरी दादी माळा फ़ेरै
अरै, बड्डे काम हो ज्याँ, कहवै एक बार ले, रै
ओ, दूधियाँ की गेल्याँ रोज माचै सै लड़ाई
कहवै, "आज काल्ह दूध मैं तू पाणी घणा गेरै"
चुबारेयाँ पै तू देश के flag देखिए
पोते धरैं चिलम मैं ऐग देखिए
ओह, कुड़ते-पजामे के माह छैल गाभरू
धोती-कुड़तेयाँ मैं दाद्याँ का swag देखिए
सारी तन्ने देऊँगा मैं गामाँ की detail
रोटी बाजरे की खाइए, कती गच्च टिंडी गेल
हो, बीड़ियाँ के टोचन के टोचन मैं होते, रै, दिखाऊँ
और देखिए बिटोड़ेयाँ पै, गो घिया आळी बेल
ओह, लागै सैं school'आँ तै, रै, bunk आज भी
साँप मारैं ना किसानाँ कै, रै, डंक आज भी
हो, सच्चे साधू बैठे माहरे खेड़े और 'खाड़याँ मैं
मंदिराँ मैं बाजै मिट्ठे शंख आज भी
तेरै पक्का मूँह मैं पाणी आवैगा
सरसों का साग देख कै
बड्डे-बड्डे, रै, त्यौहार भूल ज्या
होळी और फाग देख कै
याद heater'आँ की आवै ना तन्ने
हारयाँ के मैं आग देख कै
Beat घड़ुए की बाजै गामाँ मैं
रागनी के राग देख कै-ऐ
तू आकै, मरजाणी, देख ले, मरजाणी, देख ले
अरै, सोच बदल जागी तेरी
तू tubewell'आँ का पाणी देख ले, मखा, पाणी देख ले
अरै, भूल जागी तेरी Bisleri
तू tubewell'आँ का पाणी देख ले
ओ, बाछै काढैं बुग्गी आळे tyre'आँ की मरोड़
हो, गामाँ आळे काढैं तेरे शहराँ की मरोड़
ओ, इब आळी कणकाँ मैं गंठी बणवा द्यूँ
तेरी झाँजराँ नै काढणी सै पैराँ की मरोड़
सरसों, कणक और जीरी देखिए
माहरे भाइयाँ तै भी बढ कै सैं सीरी, देखिए
कुछ पंछी उडैं, देख, खुल्ले आसमान मैं
और जोहड़ मैं तू गूगल, टटीरी देखिए
तन्ने jean का craze, chowmein का craze
अरै, इन सारी चीजाँ तै है याराँ नै परहेज
तेरा धौळा रंग-रूप, तन्ने आछे लागैं soup
हम चाय के शौंकीन, जिमैं पत्ती रवै तेज
आड़े 25-25 लाख आळी झोटी मिलैंगी
गाम मैं, रै, रेत के माह लोटी मिलैंगी
गाम में, जे कोए बंदा आवै अणजाण
उरै होक्का-पाणी, प्यार तै, रै, रोटी मिलैंगी
भोळे के भगत, बोलैं, "बम-बम, लहरी"
अरै, खुल्हे कती दिल के कंढोळ और खैरी
ठाठी बंदे मिलैंगे फरीदपुर मैं
और पाबड़ै, किनाळै लागै प्यार की कचहरी
रै, तू जीभ की चटौरी हो ज्यागी, बूँदाँ मैं सुहाळी देख कै
रै, तू काँड्याँ मैं भी हाथ घाल दे, झाड़ी बेराँ आळी देख कै
रै, तू photo खीच-खीच गेरैगी, खेताँ मैं पराळी देख कै
मजा KP, Bintu आळे गीताँ की खुशबू निराळी देख कै
Credits
Writer(s): Sandeep Kumar, Bintu
Lyrics powered by www.musixmatch.com
Link
Disclaimer:
i testi sono forniti da Musixmatch.
Per richieste di variazioni o rimozioni è possibile contattare
direttamente Musixmatch nel caso tu sia
un artista o
un publisher.