Testo Dr Ferdinand isch gschtorbe - QL
Testo della canzone Dr Ferdinand isch gschtorbe (QL), tratta dall'album Heimatschutz
Dr Ferdinand isch gschtorbe ojeh ojeh ojeh
dr Ferdinand isch gschtorbe es tuet mer hütt no weh
är wo so vil her gworbe um liebi im Quartier
dr Ferdinand isch gschtorbe das arme Tier
Win i doch geng mys goudi am Ferdinand ha gha
eson e stolze Moudi wird nie meh öpper ha
geng d'Liebi het ne tribe nie ds müüs- und vögelfah
är isch mys Vorbild blibe dä Chatzema
Wen är sys unbeschwärte ganze Läbe lang
het gsunge i de gärte und nüt als Minnegsang
de ischs im albe glunge ds Härz z'rüere vo sym Schatz
är het für d'chatze gsunge doch nid für d'chatz
So het är ou am gröschte Nachwuchs ds Läbe gschänkt
das tuet eim albe t'röschte wo a sys stärbe dänkt
e huufe Ferdinändli spaziere no dür d'Stedt
sit das ne dr Herr Brändli erschlage het
Die Lüt me sött se strafe verschliesse ds Härz dr Kunscht
si wei geng nume schlafe und hei ke sinn für d'Brunscht
so het ou dr her brändli mit emne Topf für d'Nacht
däm arme Ferdinändli es Ändi gmacht
Dr Ferdinand isch gschtorbe ojeh ojeh ojeh
dr Ferdinand isch gschtorbe es tuet mer hütt no weh
är wo so vil het gworbe um Liebi im Quartier
dr Ferdinand isch gschtorbe das arme Tier
Credits
Writer(s): Ernst Maeschi, Mani Matter, Michael Heisch
Lyrics powered by www.musixmatch.com
Link
Disclaimer:
i testi sono forniti da Musixmatch.
Per richieste di variazioni o rimozioni è possibile contattare
direttamente Musixmatch nel caso tu sia
un artista o
un publisher.