Testo A' Livella - Enzo Avitabile
Testo della canzone A' Livella (Enzo Avitabile), tratta dall'album Italian Collection - Napoli
È la livella!
È la livella!
Ogn'anno, il due novembre, c'è l'usanza
Per i defunti andare al Cimitero.
Ognuno ll'adda fà chesta crianza;
Ognuno adda tené chistu penziero.
Ogn'anno, puntualmente, in questo giorno,
Di questa triste e mesta ricorrenza,
Anch'io ci vado e con dei fiori adorno
Il loculo marmoreo 'e zi' Vicenza.
St'anno m'é capitato 'navventura...
Dopo di aver compiuto il triste omaggio.
Madonna! si ce penzo, che paura!,
Ma po' facette un'anema e curaggio.
'O fatto è chisto, statemi a sentire:
S'avvicinava ll'ora d'à chiusura:
Io, tomo tomo, stavo per uscire
Buttando un occhio a qualche sepoltura.
"Qui dorme in pace il nobile marchese
Signore di Rovigo e di Belluno
Ardimentoso eroe di mille imprese
Morto l'11 maggio del'31"
'O stemma cu 'a curona 'ncoppa a tutto...
...sotto 'na croce fatta 'e lampadine;
Tre mazze 'e rose cu 'na lista 'e lutto:
Cannele, cannelotte e sei lumine.
Proprio azzeccata 'a tomba 'e stu signore
Nce stava 'n 'ata tomba piccerella,
Abbandunata, senza manco un fiore;
Pe' segno, sulamente 'na crucella.
E ncoppa 'a croce appena se liggeva:
"Esposito Gennaro - netturbino":
Guardannola, che ppena me faceva
Stu muorto senza manco nu lumino!
Questa è la vita! 'ncapo a me penzavo...
Chi ha avuto tanto e chi nun ave niente!
Stu povero maronna s'aspettava
Ca pur all'atu munno era pezzente?
Mentre fantasticavo stu penziero,
S'era ggià fatta quase mezanotte,
E i'rimanette 'nchiuso priggiuniero,
Muorto 'e paura... nnanze 'e cannelotte.
È la livella!
Tutto a 'nu tratto, che veco 'a luntano?
Ddoje ombre avvicenarse 'a parte mia...
Penzaje:stu fatto a me mme pare strano...
Stongo scetato... dormo è fantasia?
Ate che fantasia; era 'o Marchese:
C'o' tubbo, 'a caramella e c'o' pastrano;
Chill'ato apriesso a isso un brutto arnese;
Tutto fetente e cu 'nascopa mmano.
E chillo certamente è don Gennaro...
'omuorto puveriello...'o scupatore.
'Int 'a stu fatto i' nun ce veco chiaro:
So' muorte e se ritirano a chest'ora?
Putevano sta' 'a me quase 'nu palmo,
Quanno 'o Marchese se fermaje 'e botto,
S'avota e tomo tomo... calmo calmo,
Dicette a don Gennaro: "Giovanotto!
Da Voi vorrei saper, vile carogna,
Con quale ardire e come avete osato
Di farvi seppellir, per mia vergogna,
Accanto a me che sono blasonato!
La casta è casta e va, sì, rispettata,
Ma Voi perdeste il senso e la misura;
La Vostra salma andava, sì, inumata;
Ma seppellita nella spazzatura!
Ancora oltre sopportar non posso
La Vostra vicinanza puzzolente,
Fa d'uopo, quindi, che cerchiate un fosso
Tra i vostri pari, tra la vostra gente"
"Signor Marchese, nun è colpa mia,
I'nun v'avesse fatto chistu tuorto;
Mia moglie è stata a ffa' sta fesseria,
I' che putevo fa' si ero muorto?
Si fosse vivo ve farrei cuntento,
Pigliasse 'a casciulella cu 'e qquatt'osse
E proprio mo, obbj'...'nd'a stu mumento
Mme ne trasesse dinto a n'ata fossa".
"E cosa aspetti, oh turpe malcreato,
Che l'ira mia raggiunga l'eccedenza?
Se io non fossi stato un titolato
Avrei già dato piglio alla violenza!"
"Famme vedé... piglia sta violenza...
'A verità, Marché, mme so' scucciato
'e te senti;e si perdo 'a pacienza,
Mme scordo ca so' muorto e so mazzate!...
Ma chi te cride d'essere... nu ddio?
Ccà dinto, 'o vvuo capi, ca simmo eguale?...
...Muorto si'tu e muorto so' pur'io;
Ognuno comme a 'na'ato é tale e quale".
"Lurido porco!...Come ti permetti
Paragonarti a me ch'ebbi natali
Illustri, nobilissimi e perfetti,
Da fare invidia a Principi Reali?".
"Tu qua' Natale... Pasca e Ppifania!!!
T"o vvuo' mettere 'ncapo...'int'a cervella
Che staje malato ancora è fantasia?...
'A morte 'o ssaje ched"e?... è una livella.
'Nu rre, 'nu maggistrato, 'nu grand'ommo,
Trasenno stu canciello ha fatt'o punto
C'ha perzo tutto, 'a vita e pure 'o nomme:
Tu nu t'hè fatto ancora chistu cunto?
Perciò, stamme a ssenti... nun fa"o restivo,
Suppuorteme vicino-che te 'mporta?
Sti ppagliacciate 'e ffanno sulo 'e vive:
Nuje simmo serie... appartenimmo à morte!"
Credits
Writer(s): Giacomo Rondinella, Antonio De Curtis
Lyrics powered by www.musixmatch.com
Link
Disclaimer:
i testi sono forniti da Musixmatch.
Per richieste di variazioni o rimozioni è possibile contattare
direttamente Musixmatch nel caso tu sia
un artista o
un publisher.
Altre canzoni dell'album
'O Sole Mio - 2001 Digital Remaster
'O Paese D' 'O Sole - 2003 Digital Remaster
Te Voglio Bene Assaie - 2003 Digital Remaster
I' Te Vurria Vasa' - 2003 Digital Remaster
Appocundria - 1995 Digital Remaster
Torna A Surriento - 2003 Digital Remaster
'A Cammesella (Levate 'a cammesella) - 2003 Digital Remaster
Santa Lucia - 2003 Digital Remaster;2003 - Remaster;
Mandulinata 'A Napule - 1999 Digital Remaster
Io, Mammeta E Tu - 2001 Digital Remaster
Ultimi articoli
Enzo Avitabile e il World Summit: Chest'è ll'Africa oggi
(22/06/2026)
La black tarantella di Enzo Avitabile
(01/03/2020)
Enzo Avitabile, 'Soul Express' dal vivo al Lucca Summer Festival: video
(25/07/2019)
Enzo Avitabile, lezione e concerto di beneficenza domani all'Università Cattolica
(15/04/2018)
Pillole di saggezza: Enzo Avitabile
(16/03/2018)
Viva l'Italia in video: Enzo Avitabile
(14/03/2018)
Enzo Avitabile, heart and soul - anzi anema e core - della Napoli capitale musicale mediterranea
(12/03/2018)
Enzo Avitabile - la recensione di "PELLE DIFFERENTE"
(16/02/2018)
Sanremo 2018, Avitabile e Servillo al Festival con 'Il coraggio di ogni giorno': 'Un canto di speranza per l’uomo comune' – LA VIDEOINTERVISTA
(05/02/2018)
David di Donatello 2017: a Enzo Avitabile i premi musicali
(27/03/2017)