Testo 80 - 90 - Cosang
Testo della canzone 80 - 90 (Cosang), tratta dall'album Vita bona
Yeah, sì
L'inizio 'e ll'anne uttanta, 'o boom d"a robba 'int'ê fiale
Na Delta dint'ô viale, riflette ch"e spurtielle, unnece piane
Mmano ê principiante curtielle, brave guagliune c"o bazooka
Nun bazzeca nisciuno, nun pavano e cunsumano
'Int'ê cazune 'e volte d'Alessandro Volta ammappuciato
Chi s'è risolto riciata, je m'arricordo
Ufficiale ciaccate a pentule 'a dint'ê finestre
Simbule 'e protesta pe impedì l'arresto
Te 'mparo chesto, statte zitto, pulizzete 'a Stan Smith
'E vandele vevano paste 'e mandorle, venneno lastre 'e marmo
Accatte n'atticco, 'int'a n'attimo smontano 'e manchine 'int'ê boxe
Fottano 'e tattiche d"e NOCS
'E notte 'o Scarab fa cinquanta node
'O scafo d"e carramba s"a fa a nuoto
Affuoghe si t'avuote, 'o fuoco d"o bidone 'a scarfa
Scatule 'e bionde adoppo 'o terremoto
Vote 'e scagno, 'e scippe sott"e cabine d"a SIP
Si putesse retrocedere, pulezzasse a chi è innocente
'A fedina 'a l'ingiustizie e l'indecenza 'e duje decenne
Si putesse retrocedere, pulezzasse a chi è innocente
'A fedina 'a l'ingiustizie e l'indecenza 'e duje decenne
Comme criscevamo, 'e boss s'assettavano a Sanremo
A ffianco agli onorevole, e po raccuntavano e nuje sentevamo
'E killer 'int'ê Moncler, 'e chilometre 'int'ê Nike Silver
'E primme vase e po 'a paura 'e ll'euro
E na nazione intera annanze 'e nutizie
Doje bombe fanno fore 'a giustizia
Cortei e blitz, era sulo l'inizio
D"o sfizio 'e fa' 'e reate, l'edilizia popolare
Berlino s'auniva, pe nuje è storia luntana
'E cane ch"e cullare borchiate, 'o rione è nu teatro
E l'atture so' animale 'mpazzute
Ch"e tute 'e l'Umbro 'ncuollo
'E fare luonghe, cirche d'oro appise ê recchie
Je me perdevo 'int'ê circhiune argiento d"e Serie 3
Cresciuto addò 'a galera è n'obbiettivo
E gli obbiettori so' cchiù ppoche d"e pentite
'E vergogne d"e partite
L'Iraq, città mercato, fernesce l'Apartheid
Ma ccà Mary è pe sempe na puttana
Co'Sang, Poesia Cruda, simmo turnate
Si putesse retrocedere, pulezzasse a chi è innocente
'A fedina 'a l'ingiustizie e l'indecenza 'e duje decenne
Si putesse retrocedere, pulezzasse a chi è innocente
'A fedina 'a l'ingiustizie e l'indecenza 'e duje decenne
Credits
Writer(s): Luca Imprudente, Antonio Riccardi, Giuseppe D'aniello
Lyrics powered by www.musixmatch.com
Link
Disclaimer:
i testi sono forniti da Musixmatch.
Per richieste di variazioni o rimozioni è possibile contattare
direttamente Musixmatch nel caso tu sia
un artista o
un publisher.