Testo 40 Pass - Davide Van De Sfroos
Testo della canzone 40 Pass (Davide Van De Sfroos), tratta dall'album Best of 1999-2011
Come corsari della Bovisa, sura un trenu del venerdé sira
Omen o quasi vegnüü de la melma per imparà a restà nel catràmm
Quajvoen l'ha stüdiaa per mea ciapà bott, quajvoen l'ha crumpaa una cravatta e un giurnaal,
Quajvoen l'ha pruvaa a mett soe una divisa, ma l'ha tegnüü dumà la pistola...
Trii rembambii in soel puunt del naviglio per pruvà a truvà un quaj riflèss
Che nustalgia dell'acqua del laagh ma mai de quela giò in del büceer
Quajvoen l'ha flilaa cun scià una bandiera, quajvoen l'ha sfilaa dumà i so müdaand,
Quajvoen l'ha pruvaa a guidà una pantera, e l'ha tegnüü dumà el lampegiaant...
E adess che i sann i culuu del metro' e adess che i sann in'de l'è la toilette
Se senten padroni de quell tocch de umbriia tra el marciapè e'l Domm de Milaan
E forsi per luur l'è una gesa troppa granda e forsi per nà deent ghe voer anca el telepàss
E bisognerà imparà una preghiera cumplicada e bisognerà imparà una preghiera de città
Per sta bela Madunina che l'è stüfa de brilà... tropp luntana e piscinina per pudè ancamò scultà...
Trii cumè luur ...
E forsi l'è neda cume l'è nada o forsi cume la duveva nà
Trii omen, trii coer, trii para de ball, trii desten incrusaa a uncinett,
Quajvoen l'era stüff de purtà una bandiera e l'ha faa el prufessuur a l'università...
Ma una matena hann truvaa i volantini e un mitra scundüü in de la sua cà...
Quell'oltru a l'era un prufessiunista senza stüdià per fa el gigolò
A l'è scapüsciaa ne la dona sbagliada e in un sacch de coca scundüü in del crüscott
El teerz el faseva la guardia del corpo e anca l'autista per un senatuur
In un sira impestaada de candell e butègli per difeend na pelanda l'ha picaa un assessuur...
E adess che i sann cume l'è la galera che gh'hann pagüüra de nà a la toilette
I fann un brindisi alla buona condotta tra el marciapè e'l Domm de Milann
E l'è tüta per luur questa gésa troppa granda e forsi per nà deent basta fa quaranta pass
Una preghiera per Bob Marley e per el nonu in paradiis
Una candela a Sant'Ambroes, una candela a San Vituur
E a sta bela Madunina che la riess amò a brilà... la sarà anca piscinina ma la riéss anca a scultà...
Trii cumè luur...
Credits
Writer(s): Davide Enrico Bernasconi
Lyrics powered by www.musixmatch.com
Link
Disclaimer:
i testi sono forniti da Musixmatch.
Per richieste di variazioni o rimozioni è possibile contattare
direttamente Musixmatch nel caso tu sia
un artista o
un publisher.
Altre canzoni dell'album
Ultimi articoli
Davide Van De Sfroos in concerto con una piccola orchestra
(20/10/2025)
Van De Sfroos: "Seguo il vento e le persone, non la politica"
(21/09/2025)
Davide Van De Sfroos: il Forum diventa una balera
(24/11/2024)
Davide Van De Sfroos: nuovo estratto dal prossimo disco
(02/10/2024)
Davide Van De Sfroos: 25 anni di carriera in 49 canzoni
(18/09/2024)
Davide Van De Sfroos a novembre sarà al Forum di Assago
(01/03/2024)
Davide Van De Sfroos: un live da ascoltare e da cantare
(01/03/2024)
Davide Van De Sfroos porta “Manoglia” a teatro
(30/10/2023)
Davide Van De Sfroos: un disco intimo adatto per l’autunno
(15/10/2023)
Ecco la tracklist del nuovo disco di Davide Van De Sfroos
(27/09/2023)