Testo della canzone Teil VI - The Showdown_9 Jahr Später (Greis), tratta dall'album Eis

Teil VI - The Showdown_9 Jahr Später - Greis

Es isch e nasse tag, e tag zum hasse
E junge ma mitemne mässer steit vorem massegrab
Viu wasser isch gflosse unge bir aare
Sit dr sägesser isch gange wägeme lungeversäge
Bulle hei dr köbi nie meh gfunge, hei gmeint sig fertig
Charly freiglah, dr offizieu einzig erbe
En auki ohni feste wohnsitz
Doch dr aut sägesser wird ersch rue wen är o tod isch
Dr körper isch nur es konstrukt imene roustuu
Z'läbe vou strub, wi sech gschicht widrhout sch trurig
Köbi zuckt wone schmärz i sis ohr dringt
(Sägesser) är het immerno kontakt zu sim grossching
Dr uncle charly isch sis nächste mordopfer
Köbi mischt ds bluet wonim usem ohr tropft
Mitem räge, jahre sit är am glyche ort wohnt
Zgross für das gartehüsli froh ischer morn tod
Kontakt- hüt verkünde chind tränezit
Familienabe und bluet sprützt a fänsterschibe
Buebe u meitli ströme a us aune himusrichtige
Morde i de hochhüser u eifamiliesidlige
Di boshafte chly goofe versammlesech
Vorem schosshaudefridhof bim hansjakob
Dr letscht kampf naht scho- dr infamos plan isch itroffe
Wed wosch dafsch o du mit mim grosspapi mitcho

Ds läbe isch nur das wos der git
U bis mer stärbe ischs e frag vo der zit
U da d'nie weisch wiviu wäg vor dr lit
Isches nie zpät fürne nöiafang oder nid

är isch dr bescht chund wos git ar bar
(No eine) blaue dunst chunt usem vergiubte bart
Z'blatt vor ihm isch lär, wi jede tag afa rime när
No eine nä, wüu er merkt d'muse isch für immer wägg
So viu hätter chönne mache us sim läbe
Niemer hät dänkt es würd en auki us ihm wärde
Im rusch lallt er mit glänzige ouge vo sim aubum
S'chäm itz de ändlech use u när luegemer de au tumm
är gloubt dra doch e troum darf fasch nid wahr si
Schnid für nüt nenne si ne dachschade charly
Räge tropft dür ds dach us iseplatte uf ds wisse blatt
U mischt sech mit em rote farbstift
Und är stricht sech di mischig ad backe
Zur glyche zit wi si neffe das macht? bis zum ohr
Hütt isch? irgendwie angers irgendöppis mit ihm los
E blitz erhäut d'umriss vo ching imne fridhof

Ds läbe isch nur das wos der git
U bis mer stärbe ischs e frag vo der zit
U da d'nie weisch wiviu wäg vor dr lit
Isches nie zpät fürne nöiafang oder nid

Dr aut ma im roustuu het denn i de tage
Während em charly sim haftufenthaut ds ewige gsägnet
Und dr charly füut sech sit däm tag verfluecht
Ds einzige wonim dr sägesser het glah isch es tagebuech
Doch är het sech no nie gwagt es zläse
Bis hüt am abe itz nimmt ers us dr jaggetäsche
Ds erste kapitu isch no us dr zit vom chrieg
är sig us einzig überläbend suspendiert vom dienst
Und es steit är wüss für was er ab hüt söu läbe
Ssig öppis passiert mit ihm hüt im schützegrabe
Dr charly vergisst sis bier? är list sit vier stund
Vertieft das buech realisiert sgit en iszit hie
Wen är nid igrift u zit pressiert
Kapiert was si vater schribt im kapitu vier:
Beschribt mühleberg woner isch nuklearingenieur gsi
U wele chnopf drücke das reaktor zerstört wird
Dr köbi sini waffe charly's mord sig plant
äbe doch! s'isch glych nid verfougigswahn!
Hets ne ja gseit ir waudou är erfingi nid märli
Si vatter sig i sim neffe u sig hinger im här, hie steits!
Erligt dr charly nid sine schmärze
Sprängt köbi mühleberg am zwöite sunnti im märz
Das isch hüt! charly packt ds heft i sack
Laht sis bier chlaut es velo u fahrt i di letschti schlacht

Ds läbe isch nur das wos der git
U bis mer stärbe ischs e frag vo der zit
U da d'nie weisch wiviu wäg vor dr lit
Isches nie zpät fürne nöiafang oder nid

Es isch sunnti abe in mühleberg bir ackerweid
Und dr herr sägesser luegt usem köbi uf ds akw
U wüu er charly nid fingt radiert er ganz bärn
De isch er ämu sicher tod, s'müesse haut ged au stärbe
U währenddäm fahrt charly i schlangelinie
Em fluss nah gheit paar mau fasch id aare ine
Doch är schaffts und es besteit für morn no hoffnig
Woner achunt findt er ds'isetor scho off
U rennt ine bis en armee vo ching vor sim gring steit
Dr wäg sperrt är stockt und e stimm hinger ihm seit:
"Da bisch ja, ha scho mau gmeint heib di erledigt
Aber ha di verwächslet, dä denn uf dr brügg isch dr sepp gsi
U itz isch fertig, itz stärbet der au
U wärdet ged mau unger dr versüchte ärde begrabe"
Und bevor dr hansköbi irgendöppis cha mache
Packt ne dr charly u dänkt ad schlussszene vo starwars
Doch es längt nid und charly schnume arm drann
U grad wos usgset as köbi d'überhang bhautet
Da rütscht er und gheit ids becki mit de uranstäb
Im letschte momänt packt ne charly no am handglänk
U hebt ne doch si ermu isch verrisse
Charly flüsteret am köbi: "säg am sepp i vermiss ne"
Dr stoff risst und dr bueb schlift a dr wang ids
.Offnige wasser ids uran dsch di ganz gschicht
är seit: "ching, mir gö, es git z'ässe dehei"
Si fö afa gränne u lö iri mässer la gheie
Und är dänkt sech: "e neui zit isch ab morn dra
Itz blibi suber, i weis i fa nomau vo vor a."

Ds läbe isch nur das wos der git
U bis mer stärbe ischs e frag vo der zit
U da d'nie weisch wiviu wäg vor dr lit
Isches nie zpät fürne nöiafang oder nid

Gester no e penner im pappkarton
Und hüt rettet charly dr ganz kanton
Aso überleg der guet ob itz däm typ nüt wosch gä
Was isch scho es fränkli u vilech schuudisch im ja dis läbe



Credits
Writer(s):
Lyrics powered by www.musixmatch.com

Link

Disclaimer: i testi sono forniti da Musixmatch.
Per richieste di variazioni o rimozioni è possibile contattare direttamente Musixmatch nel caso tu sia un artista o un publisher.

© 2022 Riproduzione riservata. Rockol.com S.r.l.
Policy uso immagini

Rockol

  • Utilizza solo immagini e fotografie rese disponibili a fini promozionali (“for press use”) da case discografiche, agenti di artisti e uffici stampa.
  • Usa le immagini per finalità di critica ed esercizio del diritto di cronaca, in modalità degradata conforme alle prescrizioni della legge sul diritto d'autore, utilizzate ad esclusivo corredo dei propri contenuti informativi.
  • Accetta solo fotografie non esclusive, destinate a utilizzo su testate e, in generale, quelle libere da diritti.
  • Pubblica immagini fotografiche dal vivo concesse in utilizzo da fotografi dei quali viene riportato il copyright.
  • È disponibile a corrispondere all'avente diritto un equo compenso in caso di pubblicazione di fotografie il cui autore sia, all'atto della pubblicazione, ignoto.

Segnalazioni

Vogliate segnalarci immediatamente la eventuali presenza di immagini non rientranti nelle fattispecie di cui sopra, per una nostra rapida valutazione e, ove confermato l’improprio utilizzo, per una immediata rimozione.